PARAREM LEPAS INDIK SETRA DESA PAKRAMAN NONGAN

Majalaran antuk Paruman Desa Pakraman Nongan, nemonin rahina Redite Wage Landep, tanggal 1 Mei 2011 magenah ring Wantilan Desa Pakraman Nongan, praside kesungkemin Pararem Indik Setra ring Desa Pakraman Nongan sekadi ring sor :
ha. Setra wenten 2 (kalih) luire :
1. Setra Dalem Kupa
2. Setra Dalem Nongan
na. Setra wantah kadrue antuk Desa Pakraman Nongan
ca. Sajawaning Desa Pakraman nenten kapatutang madue setra utawi sane siosan pacang kawigunayang sekadi setra ring palemahan Desa Pakraman Nongan
ra. Tata titi pidabdab sajeroning wigunayang setra kaenter antuk Prajuru Desa, pamargine manut sekadi kecaping awig-awig
ka. Krama desa rauhing kaluwargannya patut nitenin mangda sahananing sane kasinanggeh leteh sakeng setrane nenten ka bakta ke Desa Pakraman,bilih-bilih ka Parahyangan
da. Tamiu miwah sane wusan makrama ring Desa Pakraman Nongan nenten dados migunayang setra Desa Pakraman Nongan
ta. Nyabran 10 (dasa) warsa, satinut ring pangalaksanaan Panca Wali Krama ring Pura Besakih kalaksanayang penyapuhan ring setra
sa. Krama desane sami patut miara kasukertaan, kaasrian lan kasucian palemahan setrane sakala miwah niskala
wa. Ring setra Dalem Nongan wenten setra soroh Tionghoa melinggah 662 m2 sane ngelaksanayang upacara manut agama Hindu nganggen sima Tionghoa

Komentar

Postingan populer dari blog ini

Nongan Peranakan Cina Di Bali

Sekilas Mengenal Desa Nongan